Dapi radund diesch onns nodan las scienzas umanas e socialas adina damain studentas e students. Quai demussan cifras ch’èn davant maun a Radio SRF. Cunzunt pertutgadas sajan las linguas europeicas modernas cun in minus da 49%. Ma er la germanistica haja da cumbatter cun in minus da 28%. Ed er istorgia ed etnologia studegian adina pli paucas studentas e students (-20%).
La raschun da quest trend saja la percepziun da quests studis en la publicitad. Bleras mettian numnadamain en dumonda il niz da quests studis, suppona l’Academia svizra da scienzas umanas e socialas. Per far frunt a quest trend veglia l’academia lantschar ina campagna.
