Siglir tar il cuntegn

Header

cuntegn

Svizra Trendy cun il handy – il Cussegl federal 2019

Ueli Maurer, il president dal Cussegl federal 2019, sa mussa amez il maletg faschond in maletg da telefonin dal public. El para da sa sentir bain sco «paparazzo» constatescha l'agentura da novitads SDA en sia rapportaziun.

Gia en ses discurs suenter sia elecziun al president dal Cussegl federal aveva Ueli Maurer postulà per «dapli plaschair e spass» en Chasa federala. In plaschair, che la SDA constatescha uss er tar la nova fotografia dal Cussegl federal. Quella stà tradiziunalmain sut la batgetta dal nov elegì president dal Cussegl federal.

La fotografia actuala è vegnida creada da las emprendistas ed ils emprendists da l'Uffizi federal d'informatica e telecommunicaziun. Els avevan survegnì ina carte blanche per la fotografia – cun in'excepziun: Ella duai vegnir fatga cun in telefonin.

La fotografia saja vegnida stampada en in'ediziun da 45'000 exemplars – 10'000 pli pauc sco l'onn passà, scriva la SDA.

RR novitads 18:00

Artitgels legids il pli savens