Svizra - Trens da vitgira duain charrar dapli durant il di
La SBB planisescha tar il traffic da vitgira la pli gronda midada d'urari da sia istorgia. Sco quai ch'ella ha communitgà duain ils trens da vitgira charrar en l'avegnir dapli durant il di e betg pli per gronda part durant la notg sco fin quai.
Durant il temp da trens da pendularis la damaun e la saira na curseschan dentant betg dapli trens da vitgira. La SBB Cargo vul uschia proveder fin trais giadas a di ses clients. Cun 195'000 tonnas transporta la SBB Cargo radund in quart da la rauba en Svizra.
