Siglir tar il cuntegn

Header

cuntegn

Triascha en ils ospitals Persunas impedidas duain vegnir protegidas meglier

Suenter la decisiun da basa en Germania dal mardi pertutgant la triascha e la discussiun er puspè lantschada en Svizra.

Persunas cun impediments duain vegnir protegidas meglier sch'i vegn tar ina triascha en l'ospital. Perquai dovira ina basa legala pretenda l'organisaziun svizra «Inclusion Handicap». Da proteger persunas cun impediments da discriminaziun stettia en la constituziun. Tgei che quai muntia però tar decisiuns da triascha n'haja la legislatura fin oz betg concretisà.

Er la convenziun per ils dretgs da persunas impedidas da l'ONU oblighescha ils stadis da proteger talas persunas. Quai surtut en situaziuns extra-ordinarias, sco ina pandemia uschia l'organisaziun.

Decisiun da basa en Germania

Il mardi ha il Tribunal constituziunal federal tudestg decis ch'i stoppia vegnir reglà legalmain tgi che vegn tractà sin l'intensiva sch'ils letgs vegnan stgars pervia dad ina pandemia.

Nov persunas cun impediments e malsognas cronicas avevan inoltrà in plant. Cunquai levan ellas cuntanscher ch'i vegn stgaffì directivas per situaziuns da triascha e latiers er resguardà ils interess da persunas cun impediments. I dovria immediat ina lescha per proteger talas persunas, uschia ils derschaders a Karlsruhe. Fin ussa manchia ina directiva per talas situaziun extremas sin l'intensiva.

RTR novitads 12:00

Artitgels legids il pli savens