Il Tribunal federal ha annullà la condemnaziun dad in’automobilista dal chantun Turitg. Concret vai per ina dunna, ch’era vegnida condemnada pervi d’in manever da surpassar privlus. La Dretgira superiura da Turitg aveva duvrà las registraziuns da la camera en l’auto d’in auter automobilist sco cumprova.
Co il Tribunal federal ha uss decis na dastgan questas registraziuns betg vegnir duvradas. Ellas cuntrafetschian a la lescha da las protecziun da datas. Sch'ins fetschia numnadamain videos or dal auto, na saja quai savens betg da percorscher per terzas persunas. Ord quest motiv sa tractia en talas situaziuns dad ina violaziun dals dretgs persunals.
RR novitads 14:00