Siglir tar il cuntegn

Header

cuntegn

Tribunal federal Dretgira sto decider davart vaccinaziun

Sche geniturs na vegnan betg perina, schebain i saja da vaccinar lur uffants cunter virustgel u betg, sto la dretgira u l'autoritad per la protecziun d'uffants e creschids Kesb decider. Questa sentenzia vegn dal Tribunal federal. Las pussaivlas cumplicaziuns grevas ch'i po dar tar il virustgel na laschian betg tiers ina situaziun da pat tar la dumonda vaccinar u betg. A questa conclusiun vegnan ils derschaders da Losanna.

Posiziun BAG è impurtanta

Decisiv sajan las recumandaziuns da l'Uffizi federal da sanadad publica BAG e quellas din ch'i saja da vaccinar, sch'i na dettia betg arguments decisivs encunter. Sche geniturs sa decidian dentant communablamain da betg laschar vaccinar lur uffants, saja quai da respectar, fixescha il BAG vinavant.

Bab ha vulì obligar la mamma

Tar il cas concret era in pèr ch'abitescha separà betg sa cunvegnì sche lur trais uffants minorens duain vegnir vaccinads cunter il virustgel. En connex cun la procedura da divorzi ha il bab dals uffants pretendì d'obligar la mamma da laschar vaccinar ils uffants. Las autoritads chantunalas avevan refusà questa dumonda.

Per tadlar curt e concis:

RTR novitads 15:00

Artitgels legids il pli savens

Scrollar a sanestra Scrollar a dretga