La dretgira superiura dal chantun Turitg ha exclus senza dretg schurnalists d’in procedura en connex cun in mazzament. Il tribunal federal a Losanna ha dà raschun al recurs dals quatter schurnalists.
Tranter ils requirents sa chatta il schurnal regiunal da SRF e l’agentura da novitads SDA. La dretgira superiura dal chantun Turitg haja cuntrafatg a la libertad da medias e d’opiniun, uschia il tribunal federal.
La dretgira superiura aveva argumentà ch’ina preschientscha mediala pudessi traumatisar danovamain l’unfrenda sco era ses uffants.
RR novitads 15:00