Siglir tar il cuntegn

Header

cuntegn

Tribunal federal Fugitiv renconuschì survegn raschun pervi da renta d'IV d'uffants

Il Tribunal federal ha dà raschun ad in fugitiv renconuschì en ina dispita cun l'assicuranza d'invaliditad. L'um dal Tschad ha uschia il dretg sin ina renta d'uffants da l'assicuranza d'invaliditad per sias duas figlias, malgrà che quellas na vivan betg en Svizra.

En sia decisiun, ha il Tribunal federal uschia mess il dretg internaziunal sur il dretg naziunal. La convenziun da fugitivs dat a fugitivs renconuschids ils medems dretgs tar la segirezza sociala, sco ad in burgais dal pajais. E tar ils burgais svizzers na dependa tar la renta d'IV d'uffants betg sche quels vivan en Svizra u a l'ester.

Figlias en Frantscha

L'um è renconuschì dapi il 1994 sco fugitiv. Dapi il 2005 survegn el ina renta d'invaliditad. Il 2016 ha el dumandà per ina renta d'uffants per sias duas figlias ch'èn naschidas ordaifer ina lètg ed èn en Frantscha. Il chantun Berna ha refusà questa dumonda. Argumentà aveva l'instanza sia decisiun cun quai che las duas figlias sajan burgaisas dal Tschad e vivian en l'exteriur. La dretgira administrativa da Berna ha lura approvà il recurs da l'um, gist sco il Tribunal federal uss.

L'uffizi per rentas d'invaliditad sto uss examinar sche las ulteriuras premissas per survegnir ina renta d'uffants è dada u betg. En spezial sto l'autoritad sclerir, sche la renconuschientscha da la paternitad da la Frantscha ha ina valita giuridica en Svizra.




Ord l'archiv:

Quantas giadas vegn in pazient controllà, avant ch'el survegn ina renta d'invaliditad? Il medi Martin Tomaschett fa in exempel.

RTR novitads 15:00

Dapli da Svizraavrir la Landingpage

Nach links scrollen Nach rechts scrollen