Siglir tar il cuntegn

Header

cuntegn

Tribunal federal La Finma ha incassà memia bler

La FINMA, la Surveglianza federala dals martgads da finanzas, ha incassà 95 milliuns francs dad ina banca il 2016. Quai na saja betg da giustifitgar – ha decis il Tribunal administrativ federal.

Concret vai per la Banca della Svizzera Italiana e per la lavada da daners suspectus en connex cun in fond statal da la Malaisia. La FINMA aveva constatà violaziuns gravantas tar la banca. Quai en connex cun il dretg da controlla da la banca. Il Tribunal administrativ federal ha decis che las renfatschas cunter la banca sajan bain giustifitgadas, dentant betg la summa incassada. Perquai sto la FINMA ussa anc ina giada s’occupar dal cas.

RTR novitads 06:00

Artitgels legids il pli savens