Il president dal Tribunal federal Hans Georg Seiler sa retira sin la fin da l'onn. Ses successur vegn elegì da l'Assamblea federala ils 16 da zercladur, communitgescha il Tribunal federal.
Seiler è dapi il 2005 derschader a la pli auta dretgira svizra, dapi il 2016 è l'um da 66 onns stà president. Ils 16 da zercladur vegn er elegì in successur u ina successura per l'anteriur derschader al Tribunal federal Andreas Zünd. El è da nov il represchentant da la Svizra al Tribunal europeic dals dretgs umans a Strasbourg.