En Svizra n'èsi betg pussaivel da stritgar la schlattaina en il register dal stadi civil ed en il register da las naschientschas. Quai ha oz decis il Tribunal federal. En Germania è quai pussaivel. Là pon persunas che n'èn tar la naschientscha betg cleramain masculin u feminin laschar davent la schlattaina en ils registers.
Ina persuna svizra che viva en Germania ha era empruvà da stritgar la schlattaina en ils registers svizzers. Las dretgiras da l'Argovia han dà raschun ad ella. L'Uffizi federal da giustia è sinaquai ì vinavant tar il tribunal federal ch'ha lura dà raschun a lez sa referind sin la lescha.
La davosa instanza per cuntraversas giuridicas. En cas da dretgs umans pon ils cas dentant vegnir tractads anc avant il Tribunal europeic dals dretgs umans a Strasbourg.
Il tribunal ha la sedia a Losanna ed occupescha 39 derschadras federalas e 19 derschaders accessorics.
