- La Svizra dastga furnir nums ed ulteriuras infurmaziuns da radund 40'000 contos da l'UBS a las autoritads fiscalas da la Frantscha.
- Il Tribunal federal ha approvà cun trais cunter duas vuschs in recurs da l'Administraziun federala da taglia.
Questa decisiun è ina terrada per la UBS. Perquai che la banca gronda UBS sto ussa surdar las datas da 40'000 clients a las autoritads da taglia franzosas. Quai per pudair eruir eventuals fraudaders da taglia. La sentenzia vala sco decisiun da princip per il sectur bancar svizzer.
Derschaders limiteschan diever da las datas
Unanim èn ils derschaders a Losanna dentant sa mussads che la Frantscha na dastga betg duvrar las datas en connex cun ina procedura da lavar daners cunter la UBS. Quai vulan ils derschaders retegnair en lur sentenzia.
RR novitads 14:00
