L'um è gia mort l'onn 2004 da cancer. Perquai avevan ils artavels tratg vinavant il cas al Tribunal federal. Lez aveva sistì la procedura per spetgar tge ch'il parlament decida suenter ch'il Tribunal europeic per dretgs umans ha crititgà la Svizra: La surannaziun da mo diesch onns na possia betg valair per cas d'asbest, han ils derschaders da Strasbourg decis.
Uss dat il Tribunal federal pia raschun als artavels, dentant sulet puncto surannaziun, pia il termin da scadenza. Pertutgond lur pretensiuns per propi survegnir daners da reparaziun – ha il Tribunal federal renvià il cas enavos a la preinstanza. Il cas n'è cunquai 15 onns suenter la mort da l'um anc adina betg serrà giu.
Ord l'archiv
Asbest è in material privlus. Ma pertge è quel privlus e pertge vegniva quest material insumma duvrà? – Il toc explicativ dal Minisguard declera.
RR novitads 12:00