Per l’uschenumnà process da dschihadists al Tribunal penal federal a Bellinzona è la sentenzia sin maisa. L’accusà principal vegn condemnà a 4 onns e dus mais praschun. El haja, tranter auter, sustegnì organisaziuns criminalas, hai num.
L’um da 34 onns ch’è enconuschent sco «Emir da Winterthur» è para stà la figura la pli impurtanta dal SI en Svizra durant il temp da pumpa da l’organisaziun terroristica Stadi islamic. Plinavant ha el recrutà glieud giuvna per missiuns en Siria.
Il cunaccusà da 37 onns survegn in chasti pecuniar cundiziunà. Da las renfatschas d'avair abusà in uffant sexualmain, da represchentaziun da violenza e da pornografia ha il tribunal al declerà nunculpant.
Il process a Bellinzona è stà fin ussa il pli impurtant cunter islamists en Svizra.
