La brev ch'els han tramess è ina reacziun sin las renfatschas al tribunal penal federal. Quai capitia malgrà ch'il Tribunal federal haja constattà l'avrigl en ses rapport che la gronda part da las renfatschas, na sajan betg fundadas. Las renfatschas da sexissem e mobing sco er il tractament malgist dals collavuraturs da lingua taliana, fundeschian sulet sin renfatschas d'intgins paucs, hai num en la brev. Tranter quellas persunas sajan er derschadras e derschaders che mantegnian en discussiun las renfatschas envers medias e commembers dal parlament.
Il schaner ha l'autoritad da surveglianza examinà la chaussa. La cumissiun administrativa dal Tribunal penal federal era vegnida tar la conclusiun ch'i dat problems – surtut tranter ils collavuraturs da las differentas regiuns linguisticas. Il pli dir ha il rapport tutgà duas dunnas. La secretaria generala e la presidenta da la chombra da recurs, ch'è elegida giu. L'autoritad ha cusseglià da relaschar la secretaria generala, quai ch'è gia capità. Plinavant ha l'autoritad smanatschà d'annunziar quai a la cumissiun da la dretgira sche la collavuraziun da l'anteriura presidenta da la chombra da recurs na sa meglierescha betg cun ils auters collegas.
