Siglir tar il cuntegn

Header

cuntegn

Tribunal penal federal Presidi resta en ils mauns da la PPS

Tribunal penal federal - inscripziun vid la prait
Legenda: L’elecziun dal presidi è stada dispitaivla – la fracziun da la Partida socialdemocratica aveva pretendì da spustar l’elecziun. Keystone

Il presidi dal Tribunal penal federal resta en ils mauns da la Partida populara Svizra. L'Assamblea federala ha elegì per la perioda d'uffizi 2020 2021 - Sylvia Frei sco presidenta e Stephan Blättler sco vicepresident da la dretgira. Frei è vegnida elegida oz cun 117 da 177 vuschs validas, Stephan Blättler cun 119 da 120 vuschs validas. Il pli absolut era tar 59 respectivamain 61 vuschs.

Avant aveva la cumissiun da la dretgira exprimì resalvas. La fracziun da la Partida socialdemocratica aveva pretendì da spustar l’elecziun. D’occupar la testa dal Tribunal penal federal cun dus Turitgais da la medema partida, cuntrafetschia a la constituziun – uschia l’argumentaziun. Betg main che 116 respectiv 114 commembers da l'assamblea han dà giu cedels vits.

RTR novitads 10:00

Artitgels legids il pli savens