Il chantun Vallais vul reducir la populaziun da lufs sin la mesadad. La regenza vallesana planisescha da sajettar lufs da siat dals 13 trieps che vivan en ed enturn il Vallais e quinta da sajettar 34 dals 90 fin 120 lufs. Per cuntanscher la finamira da sajettar 34 lufs, incarichescha il chantun ils chatschaders che ston far ina scolaziun speziala.
Preschentà quest plan ha la regenza en il Cussegl grond cun respunder sin dus postulats urgents.
Ins planisescha da sajettar ils lufs preventivamain, quai tranter il prim da settember ed ils 31 da schaner – sch'il triep saja privlus. En cas excepziunals possian ins era lubir da sajettar lufs durant la stad per proteger il muvel, uschia la regenza vallesana cun preschentar sia strategia pertutgant ils lufs.
