Siglir tar il cuntegn

Header

Donald Trump durant sia campagna da votaziun.
Legenda: Donald Trump marscha en direcziun candidatura per il presidi american. Keystone
cuntegn

Svizra Trump sco president american – In ristg per la Svizra?

En in scenari cun Donald Trump sco president dals Stadis Unids fissi meglier per la Svizra da betg provocar quel e da far la curt a moda usitada, quai declera il politolog Dieter Ruloff ch'è professer emerità per relaziuns internaziunalas a l’universitad da Turitg.

Malempernaivel pudess quai indirectamain vegnir sch’in president senza experientscha tissientas il clima entras ina politica da l’exteriur malinschignaivla, uschia Rudolff.

Trump pudess cumenzar dispitas.
Autur: Dieter Ruloffprofesser emerità per relaziuns internaziunalas

Surtut cun la China u cun l’Uniun europeica pudess il milliardari cumenzar ina dispita, quai che pudess destabilisar impurtants martgads da finanzas per la Svizra. Er il «protecziunissem» pudess daventar in tema, uschia Ruloff. Trump saja avert per plants da l’economia d’export americana.

Il Bundestag è preoccupà

Suenter il success da Donald Trump tar il «Super Tuesday» ha il president da la cumissiun per l’exteriur en il Bundestag, avertì dal milliardari sco president american pussaivel. Quai fetschia gronds quitads, ha ditg Morbert Röttgen envers il «Kölner Stadt-Anzeiger».

Ses meds cun ils quals el gudognia maioritads sajan producents da tema, gritta ed odi. Plinavant beneventia Trump ostilitad cunter ils esters e tortura. L’elecziun dal president american na saja betg ina chaussa sulet dals Stadis Unids, uschia Röttigen.

RR novitads 08:00

sda/cs

Artitgels legì il pli savens

Nach links scrollen Nach rechts scrollen