Siglir tar il cuntegn
cuntegn

Svizra Tschains da referenza resta bass

II quartal passà è il tschains da referenza betg pli sa midà e resta sin il nivel bass da 1,5%. Ils locataris na pon uschia il mument betg far valair ina reducziun dal tschains da locaziun.

Il tschains da referenza resta bass.
Legenda: Il tschains da referenza resta bass. Keystone

En vista al svilup dals tschains en general aveva l’uffizi federal d’abitaziuns sbassà il zercladur per l’emprima giada il tschains directiv da 1,5%. Alura avevan l’associaziun dals locataris pretendi che quai vegnia tar ina generala reducziun dals tschains da locaziun. E tenor l’associaziun avevan bleras persunas visità la pagina d’internet e chargia giu ils formulars per ina tala reducziun dal tschains da locaziun.

Era ils possessurs da chasas quintan ch’il tschains bass restia

L’Associaziun svizra dals proprietaris da chasas va da quai anora ch’il tschains bass da referenza vegnia era il proxim temp a restar tuttina. Pervi dals bass tschains gia sur onns ora dettia quai il mument anc abitaziuns favuraivlas, era en las citads, ha l’associaziun svizra dals proprietaris da chasas communitgà. Ils proprietaris na ston betg dar vinavant il tschains da referenza a ses locaturs.

Dapi sia introducziun anc mai creschì

Dapi ch’il tschains da referenza è vegni introducì en Svizra ils 10 da settember 2008 è quel anc mai creschì. Il 2008 era el anc sin 3,5% ed è cuntinuadamain vegnì sbassà.

RR novitads 10:00