Siglir tar il cuntegn

Header

Plazzal cun lavurer.
Legenda: Tgi che vul cumprar ina abitaziun ni bajegiar ina chasa survegn il mument fitg bunas cundiziuns tar las bancas. Keystone
cuntegn

Svizra Tschains ipotecars crodan sut in pertschient

Ils tschains per ipotecas fixas èn crudads sin in nov nivel bass il fanadur. Quai mussa in’analisa dal servetsch da cumparegliaziun Moneyland.

Anc l'october nudavan ils tschains per ina ipoteca fixa da tschintg onns en media bunamain 1,2%, il mardi sajan quels crudai sin 0,96%. Il medem trend aval dettia era tar ipotecas d'autra durada, scriva Moneyland.

Quai che legra quels che vulan cumprar u bajegiar chasa fa quitads ad auters. Ils clients da bancas survegnan per exempel strusch pli tschains sin lur contos. Tut tenor èn ils custs pli auts che la rendita.

Tut quai ha da far cun la politica monetara da las bancas centralas. Dapi passa in decenni cumbattan ellas cunter las consequenzas da la crisa da finanzas ed emprovan da stimular l'economia. Quai cun ina politica monetara lucca. Tenor experts na vegnia quai era betg a midar ils proxims onns.

RR novitads 12:00