Siglir tar il cuntegn
Inhalt

Svizra Tschains minimal per daners ord cassa da pensiun resta tar 1%

Il tschains minimal per ils daners ord la cassa da pensiun resta tar 1%. Quai ha il Cussegl federal decidì oz. El desista uschia sin ina reducziun dal tschains.

In pèr vegl sin il passpè.
Legenda: Keystone

La cumissiun federala per il provediment professiunal aveva proponì da sbassa quest tschains sin 0,75%. Tenor il Cussegl federal giustifitgeschia il bun curs da la bursa dentant da laschar il tschains sin il stan actual. Ultra da quai hajan las cassas da pensiun era pudì profitar da bunas renditas tar las immobiglias – tranter auter era pervi dal tschains bass.

Ils sindicats èn cuntents cun la decisiun dal Cussegl federal. Tenor lezs duessi perfin raschuns per augmentar il tschains. Tut auter han ils patruns da las cassas da pensiun reagì. Tenor lezs saja gia la proposta da la cumissiun a la limita sura. I dovria perquai urgentamain ina revisiun dal sistem dal provediment.

RR novitads 17:00