Legenda:
La Banca naziunala svizra tegn vinavant en egl ils contos da giro che n’èn il mument betg suttamess als tschains negativs.
Keystone
cuntegn
Svizra - Tschains negativs valan uss era per interpresas liadas al stadi
Uss ston era interpresas liadas al stadi pajar tschains negativs tar la Banca naziunala svizra. Quai ha communitgà la banca, senza inditgar raschuns per sia decisiun.
Uschia ston era las cassas da pensiun dals emploiads da la Confederaziun pajar per deponer daners tar la banca naziunala. In’excepziun datti mo anc per ils contos da giro da l’administraziun federala, sco era per ils fonds da gulivaziun da l’AVS e da l’Assicuranza per invaliditad.
La decisiun da schlargiar ils tschains negativs ha reducì il curs dal franc svizzer en cumparegliaziun cun il dollar american e cun l’euro.
