Il tschaiver da Basilea saja ina tradiziun spezialmain lunga ch'adempleschia pliras spartas e plirs aspects dal patrimoni immaterial, scriva l'uffizi da cultura. El haja ina rolla centrala per la populaziun perquai ch'el saja enritgì da musica, artisanadi e furmas d'expressiun a bucca. Cun quest argument ha el inoltrà la candidatura a l'UNESCO.
Candidaturas mintgamai il mars
Mintga pajais po inoltrar mintgamai il mars sia candidatura per la glista da l'UNESCO. L'onn passà aveva la Svizra candidà cun la festa da la vendemia a Vevey. La Confederaziun ha pront tut en tut 8 propostas per candidaturas. Ina prioritad, en tge successiun ch'ellas duain vegnir inoltradas n'è betg definida. Sin la glista èn tranter auter er il jodlar, l'artisanat da urer e la moda e maniera co la Svizra va enturn cun il privel da lavinas.
Schebain il tschaiver da Basilea vegn propi sin la glista da l'UNESCO decida in comité il november da l'onn che vegn.
RR novitads 15:00