Il trend che las cifras da Chocosuisse, la federaziun dals producents da tschigulatta svizzers, mussan è cler: Svizras e Svizzers mangian adina pli pauc tschigulatta. Dal 2013 enfin il 2017 è la vendita ida enavos per bun 10%. Tuttina ha mintga Svizzer e Svizra anc mangià bun 10kilos tschigulatta l'onn 2018.
Dapli tschigulatta vegn exportada
Dal 2013 fin il 2017 è l'export da tschigulatta creschì per passa 16%. Cunzunt noss vischins – la Germania, la Frantscha e la Gronda Britannia – giaudan las dultscharias svizras. La politica fa dentant quitads a la branscha: La protecziun dals producents da zutger svizzer tras dazis sin zutger importà e la decisiun dal parlament federal d'abolir restituziuns da dazis per l'export da tschigulatta vegnian ad augmentar ils custs da producziun, tema Chocosuisse.
RR novitads 11:00