Svizras e Svizzers han tschertgà il ruaus en las zonas da recreaziun svizras. Fitg tschertgadas eran las destinaziuns en muntogna. Per part hai dà vias stuppadas e bloccadas ed er ils autos da posta èn stads bain emplenids durant la fin d’emna da Tschuncaisma. Be paucs dals passagiers hajan purtà ina mascra da protecziun, ha ditg ina pledadra da l’Auto da Posta sin dumonda da l’agentura da novitads Keystone-SDA. En la Svizra tudestga e franzosa portian strusch 5% dals passagiers ina mascra, quai malgrà avertiments en ils bus. I dettia nagina differenza tranter las duas regiuns, uschia l’auto da posta. En il Tessin, il chantun pertutgà ferm dal coronavirus, portian radund 20% ina mascra.
Er citads han carmalà la glieud
Er ils chantuns Glaruna e Zug han annunzià fermas frequenzas en lur zonas da recreaziun popularas. En la Part sura bernaisa hai dà colonnas. Dentant betg mo en muntogna hai dà bler pievel sin viadi. Er en las citads hai dà bleras persunas en giassas e sin plazzas. La polizia da la citad da Cuira ha communitgà ch'i era tendenzialmain puspè dapli glieud sin via, en spezial il venderdi e la sonda.
La situaziun en il Grischun è stada sumeglianta, quai conferma er la polizia chantunala grischuna ad RTR:
