Svizra - Tubac ed alcohol puspè damain populars tar giuvenils svizzers
En Svizra ha il consum d'alcohol e tubac tar ils giuvenils cuntanschì in nov stan da record bass. Quai resulta da la retschertga da la fundaziun «Dependenza Svizra».
Cumpareglià cun ils ultims 4 onns, vegnia bavì e fimà damain. La quota da giuvenils da 15 onns che baivan almain ina gia l'emna alcohol, è sa reducida per 17 sin 10%.
Quai saja il pli bass nivel dapi l'emprima retschertga il 1986.
Tenor la fundaziun «Dependenza Svizra» pudess questa sminuziun reflectar ina pli ferma sensibilitad per la sanadad.
