Siglir tar il cuntegn

Header

cuntegn

Svizra Tumults sin la staziun principala a Turitg

Durant ina manifestaziun da la PPS a la staziun da Turitg, hai dà tumults. Activists da l’organisaziun «Revolutionärer Aufbau» han disturbà la manifestaziun da cumbat electoral cun in concert da tibar e clamar «bu».

L’acziun da disturbar ha cumenzà curt suenter las 18:00, cura ch’il president da la PPS, Toni Brunner ha tegnì ses pled. Bler dal pled n’hajan ins betg udì, cunquai ch’ils activists da la sanestra haja fatg ina caneruna cun tibar e clamar «bu», scriva l’agentura da novitads svizra sda. La polizia da la citad da Turitg haja pudì impedir ch’ils activists entrian en la zona serrada giu per la manifestaziun da la PPS en la staziun principala da Turitg.

Bumbas da fim e gas lacrimogen

La polizia ha sco quai ch’i para era duvrà tranter auter gas lacrimogen cunter ils activists. Ils activists han en mintga cas era bittà bumbas da fim sco quai ch’ins vesa sin fotografias e videos en l’internet.

«SVP bi de Lüt»

La manifestaziun «SVP bi de Lüt» aveva cumenzà paschaivlamain en il decurs dal suentermezdi. Ina maschaida d’ina festa dal prim d’avust e festa d’october, cun musica, liongias dal gril e biera.

Artitgels legids il pli savens