Ils viadis da test vegnan fatgs dal mars enfin la fin d'avust, annunzia l'Uffizi federal da traffic. Silsuenter, a partir dal settember, pon las Viafiers federalas svizras cumenzar a far viadis da test cun trens da vitgira e da persunas. Inaugurà vegn il tunnel da basa dal Ceneri pia il settember, ma pir a partir dal december circuleschan ils trens tenor urari tras il tunnel dal Ceneri.
Turitg – Lugano en radund duas uras
Il tunnel cun ina lunghezza da 15,4 kilometers maina da Camorino sper Bellinzona fin a Vezia dasper Lugano. Per l'ina survegn il Tessin ina colliaziun directa tranter Lugano e Locarno. Per l'autra èn tras il tunnel colliaziuns pli spertas pussaivlas. Il viadi da Turitg fin a Lugano cuzza anc radun duas uras – in quart d'ura pli spert che per il mument.
RTR novitads 16:00