Siglir tar il cuntegn

Header

cuntegn

Tunnel da via Tunnel dal Gottard puspè avert

En il tunnel da via dal Gottard ha piglià fieu in auto venderdi en damaun vers las 8:30. Il manischunz da 47 onns è vegnì transportà cun blessuras levas a l'ospital. Il tunnel è silsuenter vegnì serrà d'omaduas varts. Il motiv da l'incendi vegn examinà actualmain, uschia ch'i po anc dar temps da spetga il suentermezdi.

Brennendes Auto am Gotthardtunnel
Legenda: Polizia chantunala dal Uri

Las forzas d'intervenziun han pudì stizzar il fieu svelt. Il donn material ch'è resultà na possia per il mument anc betg vegnir quantifitgà, ha communitgà la polizia chantunala uranaisa. Il motiv exact per l'incendi vegn examinà da la polizia.

L'automobilist è stà sin via en direcziun nord. En acziun èn stads il servetsch da salvament da l'ospital chantunal Uri, la guardia d' donns vi dal Gottard, l'uffizi per il manaschi da las vias naziunalas, in' interpresa da deflussiun locala sco er la polizia chantunala da l'Uri.

audio
Per tadlar: las novitads da las 12:00
ord RTR Audio dals 24.11.2023.
laschar ir. Durada: 3 minutas 54 Secundas.

RTR novitads 10:00

Artitgels legids il pli savens