Il cumenzament da las vacanzas da scola en ils chantuns da Turitg ed Argovia ha chaschunà lungas colonnas davant il tunnel dal Gottard. La sonda è la colonna davant il portal nord dal Gottard stada 15 kilometers lunga. Il temp da spetga haja muntà a duas uras e mesa – in nov record dapi il cumenzament da la pandemia. Quai ha communitgà il TCS.
Er en direcziun nord hai al Gottard dà colonnas. Tenor il TCS saja la colonna stada fin a quatter kilometers lunga, ins ha stuì quintar cun in temp da viadi supplementar da 45 minutas.