Il tunnel è stà serrà l'avantmezdi sin omaduas direcziuns durant radund 2 uras. Avant omadus portals aveva quai dà colonnas da plirs kilometers. Perquai che la via da la Scalina è serrada pervi da privel da crudada da crappa stuevan tut ils automobilists sviar via San Bernardino.
Sco quai che la polizia chantunala tessinaisa communitgescha saja in automobilist franzos gartegià sin il vial sbaglià enturn las 10:00, uschia ch'i haja dà ina collisiun frontala. Il manischun è cun blessuras grevas en l'ospital. Las 2 persunas da l'auter auto èn mo per controlla en l'ospital.
La raschun per l'accident, pertge che l'automobilist è gartegià sin l'auter vial, n'è anc betg enconuschent.
RR novitads 11:00