Siglir tar il cuntegn

Svizra Tunnel dal Gottard è puspè avert

En il tunnel da Piottino è ars in camiun, perquai è l'A2 stada serrada en omaduas direcziuns. Era il tunnel dal Gottard era serrà.

Il camiun che transportava autos è ars dal tuttafatg.
Legenda: Il camiun che transportava autos è ars dal tuttafatg. Keystone
  • En il tunnel da Piottino sin l'A2 è ars in camiun.
  • Perquai è er il tunnel dal Gottard stà serrà en omaduas direcziuns, aveva annunzià Viasuisse. Tranter Wassen e Göschenen hai giu colonnas da fin a 5 kilometers.
  • Blessads n'hai dà nagins, communitgescha la Polizia chantunala dal Tessin.

Vias e traffic

Vias e traffic

Qua tar la situaziun actuala da las vias e dal traffic.

Oz a bun'ura, curt suenter las 7:30, ha in camiun cumenzà ad arder en il tunnel da Piottino en il Tessin. L'autostrada A2 è perquai serrada en omaduas direcziuns, quai ha communitgà la Polizia chantunala dal Tessin sin Twitter.

Sco quai che la polizia ha ditg sin dumonda da l'Agentura da novitads svizra, saja il camiun brischà or dal tuttafatg. Persunas blessadas n'haja betg dà. Tar il camiun sa tracti d'in transporter dad autos.

Il tunnel restia anc serrà enfin almain las 13:00. Ins stoppia anc evaluar sch'il tunnel haja survegnì giu donns pli severs. Pervi da l'incendi èn tut ils autos da persunas vegnids sviads sur la via chantunala, tut ils camiuns èn vegnids franads. Perquai ch'ils automobilists èn guntgids la colonna dal Gottard sur la via dal pass hai era là da colonnas tranter Andermatt e Göschenen.

RR novitads 09:00