Siglir tar il cuntegn

Svizra Tunnel dal Gottard vegn serrà pliras notgs

Il tunnel dal Gottard ha basegn d'ina sanaziun e perquai vegn el serrà las proximas emnas durant pliras notgs.

Entrada dal tunnel dal Gottard
Legenda: Pervi da la sanaziun vegn l'autostrada A2 tranter Göschenen ed Airolo mintgamai serrada tranter las 21:00 e las 05:00. Keystone

En tut resta il tunnel dal Gottard serrà durant 14 notgs. L'emprima giada vegn quai ad esser l'emna che vegn da glindesdi, ils 10 da settember fin venderdi, ils 14 da settember, sco il chantun Uri scriva.

Survista da la serrada dal tunnel

Personen-Box aufklappenPersonen-Box zuklappen
  • dal 10 fin 14 da settember
  • dal 17 fin 21 da settember
  • dal 24 fin 28 da settember
  • dal 1. fin 3 d'october

Pervia da las lavurs da sanaziun è l'autostrada tranter Göschenen ed Airolo mintgamai serrada tranter las 21:00 fin las 05:00 per tut il traffic. Ils autos da persunas vegnan sviads sur il pass. Ils camiuns ston spetgar davent da las 8 e mesa la saira en il nord ed en il sid.

RR novitads 12:00