- Liquid chemic è culà or d'in vagun da vitgira.
- Pliras persunas èn blessadas. Ellas han gì difficultads cun respirar ed egls irritads.
- Tunnel è vegnì serrà ad interim.
En il tunnel da basa dal Lötscherberg en il chantun Vallais è in liquid chemic culà or d'in vagun da vitgira. Tschintg lavurants da tunnel sajan blessadas, scriva la polizia chantunala dal Vallais. Ils umens hajan survegnì difficultads cun respirar e lur egls sajan stads irritads tras la chemicalia. Tenor la polizia è il liquid chemic culà or d'in container d'in tren da vitgira ch'era da viadi tras il tunnel.
Tar il liquid chemic sa tractia d'acid d'aschieu cun idrogen.
Il tunnel tranter Goppenstein (VS) e Kandersteg (BE) è vegnì serrà ad interim. Sco quai ch'ina pledadra da las viafiers BLS (Bern – Lötschberg – Simplon – Bahn) ha confermà sin dumonda da l'agentura da novitads Keystone-SDA, curseschan ils trens da persunas entant puspè dapi la bun'ura las 07:30.