Siglir tar il cuntegn

Header

cuntegn

Svizra Tunnel dal San Bernardino – in blessà tar collisiun

Tar ina collisiun da trais vehichels il venderdi saira è in manischunz dad in auto da furniziun sa blessà. Quai ha communitgà la polizia chantunala a las medias.

In manischunz portugais (37) era il venderdi las 17:15 in viadi sin l’A13 en direcziun nord che ses auto da furniziun è arrivà via sin l’auter vial. Là è el collidà cun dus autos ch’eran en viadi per il Sid. Il manischunz è sa blessà ed è vegnì transportà cun la Rega en l’ospital a Lugano.

L’accident ha impedì il traffic sin la ruta dal San Bernardino fin en per la saira. Uss investigheschian la polizia chantunala e la procura publica l’accident, finescha la polizia sia communicaziun da medias.

RR novitads 15:00

Artitgels legids il pli savens