Siglir tar il cuntegn

Svizra Turbulenzas en il Cussegl naziunal

Il Cussegl naziunal na vul uss tuttina betg cumprar aviuns da transport. Suenter che la chombra gronda ha approvà l'avantmezdi ina moziun per la cumpra ha el pli tard revocà la decisiun. Sin ina proposta davart il proceder ha il Cussegl naziunal ditg na a la cumpra, cun 98 cunter 85 vuschs.

aviun da transport militar
Legenda: L'armada svizra duai tuttina betg survegnir aviuns da transport (maletg simbolic). Keystone

Pli baud l'avantmezdi aveva il Cussegl naziunal anc decidì cun 89 cunter 87 vuschs da cumprar aviuns da transport. El aveva incumbensà il Cussegl federal da preparar la cumpra dad in u plirs aviuns, quai en il rom dal program d'armaziun dal 2018. L'idea fiss stada che quests aviuns stattan a disposiziun per acziuns da pasch internaziunalas, per l'agid da catastrofas sco er per la repatriaziun da burgais svizzers. La cumpra avess custà tranter 200 e 500 milliuns francs.

RR novitads 14:00