Siglir tar il cuntegn

Header

cuntegn

Turissem Brigitta Gadient emprima presidenta da Svizra turissem

Brigitta Gadient daventa la nova presidenta da Svizra Turissem. Ella è l'emprima dunna en quest post da l'organisaziun ch'i dat dapi varga 100 onns han communitgà las autoritads federalas.

Brigitta Gadient.
Legenda: Brigitta Gadient suonda a Jean-François Roth, ch'è sa retratg suenter 12 onns en uffizi. MAD

Gadient suonda a Roth

Il Cussegl federal ha elegì Brigitta Gadient, l'anteriura cussegliera naziunala grischuna, per la perioda d'uffizi 2020 enfin 2023. Ella entra en uffizi l'emprim da schaner. Ella succeda a Jean-Francois Roth, il cusseglier guvernativ dal Giura, ch'è dapi il 2008 president da Svizra Turissem e ch'ha demissiunà suenter 12 onns.

Dapi il 2017 è Brigitta Gadient presidenta da la Scol'auta spezialisada dal Grischun FHGR. Dal schaner 1995 fin il december 2011 era ella cussegliera naziunala. E dapi quest onn è la dunna da 59 onns plinavant vicepresidenta da la Crusch Cotschna Svizra.

Ord l'archiv

Video
«Premi dunna 2004» per Brigitta Gadient
Or da Telesguard dals 01.12.2004.
laschar ir

RTR novitads 14:00