Brigitta Gadient daventa la nova presidenta da Svizra Turissem. Ella è l'emprima dunna en quest post da l'organisaziun ch'i dat dapi varga 100 onns han communitgà las autoritads federalas.
Gadient suonda a Roth
Il Cussegl federal ha elegì Brigitta Gadient, l'anteriura cussegliera naziunala grischuna, per la perioda d'uffizi 2020 enfin 2023. Ella entra en uffizi l'emprim da schaner. Ella succeda a Jean-Francois Roth, il cusseglier guvernativ dal Giura, ch'è dapi il 2008 president da Svizra Turissem e ch'ha demissiunà suenter 12 onns.
Dapi il 2017 è Brigitta Gadient presidenta da la Scol'auta spezialisada dal Grischun FHGR. Dal schaner 1995 fin il december 2011 era ella cussegliera naziunala. E dapi quest onn è la dunna da 59 onns plinavant vicepresidenta da la Crusch Cotschna Svizra.
Ord l'archiv
RTR novitads 14:00