Turissem da cumpra Parlament vul che cumpras a l'exteriur èn main attractivas

Ir en l'exteriur a cumprar en duai daventar main attractiv. Per cuntanscher quai vul il parlament reducir il cunfin liber da la taglia sin plivalur. Actualmain èsi uschia ch'ins sto pajar taglia sin plivalur pir sch'ins cumpra en l'exteriur rauba per dapli che 300 francs per persuna e di. En l'avegnir duai questa limita vegnir sbassada sin 50 francs. Suenter il Cussegl naziunal ha uss er il Cussegl dals chantuns prendì ina decisiun en questa direcziun.