Tar cumpras en la Germania duain turists svizzers pir survegnir enavos la taglia sin la pli valur tar ina valita da 50 euros. Il cabinet tudestg ha decis mesemna ina limita correspundenta.
Persunas svizras pon fin a qua pretender enavos la taglia sin la pli valur tar cumpras en Germania. Quai ha chaschunà ils ultims onns per dapli traffic e lavur per la duana tudestga. Cun questa decisiun d'introducir ina limita da bagatella vul la Germania uss distgargiar la duana ed il traffic al cunfin cun la Svizra.
RR novitads 12:00