Turissem - Dumber da pernottaziuns pudess sa reducir per in terz - Novitads

Turissem Dumber da pernottaziuns pudess sa reducir per in terz

Suenter in onn da record ussa la crudada. Il coronavirus ha tenor il KOF procurà per ina gronda reducziun tar las pernotazziuns. Ins sto quintar cun relaschadas e blers concurs.

Autur: SDA / Corina Luck

Ils turists svizzers na possian betg cumpensar ils turists da l'exteriur che na vegnan probabel betg la stad en Svizra. Las citads stoppian quintar cun 50% damain pernottaziuns, las regiuns alpinas cun in minus da 20-30%, quai almain tenor la prognosa da l'Institut da perscrutaziun da la conjunctura KOF.

Perdita da 1,8 milliardas svieuta

Durant l'entir onn turistic 2020 pudessi dar 31% damain pernottaziuns. Per la hotellaria resulta uschia ina perdita da valurisaziun da 904 milliuns francs. La perdita da svieuta vegn ad esser 1,8 milliardas francs. Il nivel dal davos onn vegn ins a pudair cuntanscher pir suenter il 2021. E dumondas dal martgà lontan vegn a sa revegnir lura suenter il 2022.