Siglir tar il cuntegn

Header

Vista giu dal Pilatus.
Legenda: Vistas sulaglivas er il 2018 – las pendicularas dal Pilatus fan il otgavel onn da record en fila. Keystone
cuntegn

Turissem svizzer Pilatus trendy er il 2018 – el è vegnì visità 830’000 giadas

Il Pilatus en la Svizra Centrala ha attratg anc dapli visitaders l’onn passà: Il 2018 han las pendicularas dal Pilatus transportà bunamain 830’000 visitaders. Quai rapporta l’agentura da novitads SDA.

Cun 828'718 persunas han visità il 2018 6% dapli che l’onn avant la muntogna sper Lucerna. Fin sisum il piz han sa laschà transportar radund 600’000 persunas. Per las pendicularas saja quai l’otgavel onn da record en fila scrivan ellas en ina communicaziun a las medias.

Il trend da visitar il Pilatus sa mussa er en las chaschas da las pendicularas: Il 2018 hajan ellas fatg in gudogn dad 1,7 milliuns francs, quai che saja in plus da 7,3% invers l’onn avant.

RR novitads 12:00