Quai pretendan represchentantas e represchentants da l'eroport da Turitg sco era da l’economia e dal turissem.
Els han surdà trais pretaisas centralas al cusseglier federal Guy Parmelin tar sia visita a la plazza aviatica da Turitg.
- I duess dar naginas restricziuns da viagiar tranter pajais cun in ristg d’infecziun sumegliant.
- Tut ils passagiers ch'èn gia vaccinads, guarids u vegnids testads negativ duain pudair viagiar libramain. Per cumprovar quai, na duess in test da PCR betg pli esser necessari. In test svelt d’antigen duess bastar.
- In pass da vaccinar digital.
Il cusseglier federal Guy Parmelin ha detg, che la pandemia haja enormas consequenzas per il chantun Turitg. El sco era il Cussegl federal sajan conscient da quest fatg. El prendia questas pretaisas cun el a Berna. Las schluccadas da mesemna sajan ina pitschna correctura da la situaziun tendida. La gronda speranza giascha tar la vaccinaziun.
Nus stuain restar prudent.
audio
Per tadlar - curt e cumpact
ord RTR Audio dals 16.04.2021.
Maletg: RTR
laschar ir. Durada: 1 minuta 1 Secunda.