Sin la plazza aviatica da Turitg ha in aviun da la Swiss stuì far in atterrament sfurzà glindesdi saira suenter las 17:00. L'equipa dal cockpit ha remartgà in’odur nunusitada. Per motivs da segirezza hajan ils pilots decis da turnar a l’eroport, ha ditg ina pledadra da la societad aviatica envers l'agentura da novitads Keystone-SDA.
Atterrament senza problems
L'aviun ch'era sin via vers Porto en il Portugal cun 141 passagiers a bord è atterrà senza problems a Turitg. Il passagiers e las passagieras han survegnì bigliets per sgols alternativs. La raschun per l'odur nunusitada n'era betg anc clera glindesdi saira.
Legenda:
L'eroplan era in Airbus A220-300
Keystone
audio
Per tadlar: las novitads da las 08:00
ord RTR Audio dals 11.10.2022.
laschar ir. Durada: 5 minutas 34 Secundas.