La nova lescha d'energia perscriva che stgaudaments da gas e dad ieli ston vegnir remplazzads a la fin da lur vita, cun in'alternativa. Pia u entras chalur a distanza, ina pumpa da stgaudar u entras ina colliaziun ad in stgaudament a distanza cun zinslas da lain. Er biogass fiss en urden.
Cun la nova lescha augmenta il chatnun plinavant ses meds da sustegn dad 8 milliuns sin 15 milliuns francs. Ensemen cun ils daners da la Confederaziun stattan uschia a disposiziun 65 milliuns francs ad onn per stgaudaments che schanegian il clima. Quai èn 20 milliuns dapli che oz.
Anc 120'000 stgaudaments da gas en funcziun
Actualmain vegn anc adina mintga segund stgaudament da gas u dad ieli remplazzà cun in nov stgaudament dad ieli u da gas. Ils radund 120'000 stgaudaments fossils ch'èn anc en funcziun, produceschan radund 40% da las emissiuns da CO2 dal chantun.
Tuttas partidas auter che la PPS e da EDU han sustegnì la lescha d'energia. Ils arguments che la lescha giaja bler memia lunsch e possia chaschunar che tschains chasa giajan ensi, n'han betg gì avunda forza. Er betg l'appell a dapli atgna responsabladad empè da sforz.