A Turitg, sin la plazza Helvetia èn sa radunadas radund 150 persunas per protestar cunter la conferenza mundiala da clima a Glasgow. Quella n'haja enfin ussa cuntanschì nagut, quai tenor l'avis dals demonstrants e las demonstrantas. I dovria ina midada dal sistem, ex-propriar ils assassins dal clima han ins pudì leger sin placats. Clamà saja vegnì «System change not climate change».
Fatg l'apell da demonstrar ha l'uniun Chauma per il clima Turitg. L'interpresa da transport da Turitg ha communitgà, ch'ins stoppia quintar temporarmain cun sviaments e retards tar il traffic public pervi da la demonstraziun.
Ord l'archiv
video
Cuira: Ulteriura demonstraziun davart il clima
Or da Minisguard dals 16.02.2019.
laschar ir. Durada: 1 minuta 3 Secundas.
