Siglir tar il cuntegn

Header

Purtret da Betznau cun il logo da l'Axpo.
Legenda: Era l'ovra atomara da Betznau stuess baud u tard giu da la rait electrica. Keystone
cuntegn

Svizra Turitg di na a l'iniziativa cunter energia nucleara

La regenza dal chantun Turitg è cunter l’iniziativa per ina sortida da l’energia nucleara. Sche gist trais ovras atomaras ston vegnir prendidas giud la rait il 2017, alura saja il ristg gronds che quai dettia interrupziuns dal current electric.

Per il chantun Turitg muntass ina interrupziun dal current electric pli gronda custs da radund ina milliarda francs a di, scriva la regenza turitgaisa. Perquai na vulan els betg metter trais ovras atomaras giud la rait il 2017.

Al chantun Turitg appartegnan direct u era indirect radund in terz da l’interpresa Axpo che posseda dal tut u parts da quatter da las tschintg ovras atomaras en Svizra. La consequenza da l'iniziativa fiss ch'ils svizzers stuessan pajar dapli taglia e ch'il pretsch per l'electricitad creschiss.

Ils 27 da november vegn decidì davart l'iniziativa dals verds per sortir l'energia nucleara. Cun questa iniziativa duain las ovras atomaras pudair esser en funcziun per maximalmain 45 onns.

RR novitads 11:00

Artitgels legids il pli savens

Scrollar a sanestra Scrollar a dretga