Siglir tar il cuntegn

Header

Navigaziun

Purtret da Langhart
Legenda: Konrad Langhart, il president da la PPS Turitg. Keystone
cuntegn

Svizra Turitg: Entira direcziun da la PPS sa retira

La secziun chantunala da la PPS Turitg tira las consequenzas da l'elecziun per la regenza chantunala da dumengia passada. Il president da la partida, ils dus vicepresidents sco era ils dus secretaris da la partida sa retiran da lur posts. Quai ha communitgà la partida chantunala da la PPS.

La reorganisaziun da la direcziun capitia pervi dals resultats mals durant las elecziuns chantunalas ed en vista a l'interess da las elecziuns naziunalas l'atun 2019. La glista da persunas che mettan a disposiziun lur posts è lunga:

  • Konrad Langhart, il president da la partida
  • Gregor Rutz, l'emprim vicepresident da la partida
  • Stefan Schmid, il segund vicepresident da la partida
  • Roland Scheck, secretari da la partida
  • Christoph Bähler, il suppleant dal secretari e secretari da la fracziun

Glindesdi che vegn ha la partida clamà ad ina seduta extraordinaria che duai approvar la reorganisaziun. Ella duai surdar a la radunanza da delegads da mardi la dumonda correspundenta. La radunanza da delegads decida la finala davart la reorganisaziun.

Tar las elecziuns chantunalas la dumengia passada aveva la PPS pers 9 sezs. La partida ha tuttina anc 45 sezs en il parlament turitgais e resta uschia vinavant la pli gronda fracziun.

RR novitads 14:00