Turitg ha elegì sia regenza

Las trais novas dunnas en la regenza turitgaisa èn Silvia Steiner PCD, Carmen Walker Späh PLD e Jacqueline Fehr PS.

Silvia Steiner, Jacqueline Fehr e Carmen Walker Späh Bild in Lightbox öffnen.

Legenda da maletgs: Las novas: Silvia Steiner, Jacqueline Fehr e Carmen Walker Späh. Keystone

En il chantun Turitg n' è il cusseglier guvernativ d'enfin qua Martin Graf betg vegnì reelegì. Tenor l'Uffizi da statistica chantunal ha el bain cuntanschì il pli absolut è però vegnì be 8avel. Persuenter ha la PCD puspè pudì reconquistar ses sez ch'ella aveva pers avant 4 onns, quai cun Silvia Steiner.

En il parlament èn ils liberal-democrats ils gronds victurs. Suenter 20 onns han els puspè pudair augmentar la quota d’electurs. La PLD vegn nov sin 31 sezs, in plus dad 8 mandats.

La pli ferma partida resta però la PPS cun 54 sezs. Sin plazza dus resta la PS cun 36 sezs, quai in sez dapli. Ils gronds perdents èn ils Verd-liberals cun 5 mandats damain ed ils verds cun 6 damain. Las elecziuns valan sco barometer per las elecziun naziunala da l'atun.

Sursiglir cuntegn supplementar

Sezs en il parlament

  • PPS 54 (tuttina)
  • PS 36 (+1)
  • PLD 31
  • verd-liberals: 14 (-5)
  • verds: 13 (-6)
  • PCD: 9 (tuttina)
  • PEV: 8 (+1)
  • PBD: 5 (-1)
  • UDF: 5 (tuttina)
  • AL: 5 (+2)

Elegids èn

  • Thomas Heiniger PLD 150’557
  • Mario Fehr PS 146'307
  • Ernst Stocker PPS 145'205
  • Markus Kägi PPS 136'563
  • Silvia Steiner PCD 118'477
  • Carmen Walker Späh PLD 116'058
  • Jacqueline Fehr PS 115'618

RR Novitads 8:00/17:00