Sin fotografias en medias socialas èn stads da vesair trams ch'èn stads airi e persunas che han spetgà senza glisch a la staziun. Er amplas da traffic èn stadas pertutgadas dal current interrut.
Il traffic dals trens n'è betg stà pertutgà dal current ch'è crudà or, els èn cursads normal. Ils trams èn dentant stads airi. Entras quai èn bleras persunas midadas sin il bus. Curt suenter las 18:00 la saira è il problem stà schlià e l'electricitad è turnada. Pertutgà dal current interrut era sur tut il circul 5 sco era ils quartiers da Wipkingen ed Unterstrass.
Il furnitur d'electricitad ha entant communitgà ch'in incendi en ina sutstaziun saja stada la raschun per il current interrut. Tar l'incendi hai dà bler fim, blessads n'haja dentant dà nagins. Ils pumpiers hajan tut sut controlla.
RR novitads 18:00