Il mument na possia el betg inditgar dapli, ha ditg il procuratur public responsabel Peter Pellegrini a la «NZZ am Sonntag». Avant dus onns aveva l’uffizi da taglia dal chantun Turitg denunzià a Stoffel.
L'uffizi da taglia suspetga l'interprendider da betg avair pajà la taglia anticipada per la cumpra dad ina societad affiliada d’immobiglias da Swissair. I giaja para per passa 150 milliuns francs, scriva la gasetta.
Stoffel da sia vart di ch'i saja avert, sch'i dettia in'accusaziun u betg. L'interprendider ha sincerà ch’el coopereschia cun la giustia. Per el vala la presumziun d’innocenza.
RR novitads 06:00
